Is Mamutzones de Samugheo

'I mamutzones cun is ateras maskeras de i' zonas internas de s'isula faent parte de cussu repertoriu originale ki rispetant ancora s'antiga tradizione de su carrasegare antigu. Su sociu s'est formau in is primos annos de su 1980. E subitu s'est postu s'attenzione de is appassionados e de is istudiosos po sa sua originalidade.

I' maskeras de Samugheo (OR) funti cussas ki anta manteniu in su tempus s'origine e su significau prus antigu. Mancari ki si siat perdiu s'antigu significau, issas, unu tempus, rappresentanta s'estasi, sa passione e morte de Dioniso, deus de sa vegetazione, custas festas sì faiant in tott'is antigas soziedades agrarias.

Dioniso su deus ki onni annu moriat e torrat a naskire, comente tottu sa vegetazione, est rappresentadu de sa maskera "zoomorfa' de s'urtzu, bestiat una pedde de beccu cun sa conca attacada sa passione, ki unu tempus fut una cerimonia sacra, in su tempus de sa cristianidade fut istada arrebasciada comente manifestazione de brulla po su carrasegare e in custu modu s'est tramandada fin'a oe.

S'urtzu, acapiau a kinzu cund'una soghita, est poderau de su omadore ki ddi faet de mere, fatu fatu s'orruet faento finta de suffrire sa passione e sa morte sua.

ls maskeras de is mamutzones olient rappresentare is ki creiant in Dioniso. Si bestiant cun peddes e in conca jughent unu casiddu cun corros de crabas o de ullu, cricant de agatare "S'estasi" dionisiaca e si lassant "possedere" dea su deus po essere comente a issu. Fatu fatu faent orroda a surtzu e ddi bailant a giru.

Unu tempus tott'is mamutzones portaiant sa matzola ki jughiat imboddigada unu cambu de froníca o de ederacomente tando Fut su "Tirso".Oe po comodidade non totus dd'usant prus. ls sonajos, cun su sonu, issoro, teniant comentesignificau su de tenner foras de sa cerimonia is ispiritos de su male.

 

Is testos funti de su sociu "Mamutzones de Samugheo" e is fotos de Claudio Cocco, WEB: Sardegnattiva