Cando, sende pitzinnos, andaimis a s'oru 'e idda a calchi cuilalza e cund'una leputza nos faghimis po sonare, soneddas de frenalza,

unu in mesu s'elva colcaimis e li faghimis su ballu 'e s'alza: a dìllaru e a sonu ballaimis repitind'iscongiuros de majalza.

Su fit'infirmu, che da s'alza puntu, oinde che ch'esserat moribbundu, suta sa capa 'e s'elvosu ammuntu,

e nois cun su nostru ballu tundu nde parimis torrende unu defuntu dae mesu caminu 'e cuddu mundu.