Segretu in coro 'e fémina no dùrada ca su pesu intro s'intimu l'istràcada: est che i sa castanza chi s'insàcada in sa buscia e reparu si procùrada.

Ma indurit cumprinde e ammadùrada e íspinosu s'imbòligu ispàcada: su frutu da sa bucia si distàcada e in su ratu a buca abbelta addùrada

E gai est sa femìna in su segretu:lu rezer a longu no reséssidi no nde pasat si no s'illizéridi.

Serrende 'e dentes sas laras abbéridi e i cudd'est a pómpiu, e deretu chena si nd'abbizare che li éssidi.