Cosa chi sa cussentzia no ammìtidi no la fetas e mai no ti fides, ca, testimonzu e reu, ischis e bides sa falta s'esser tou chi cummìtidi.

Sa cussentzia tua mai tzìdidi:

ti remproverat, drommas o ischides, e mediu no b'at chi ti nd'olvides ca sempre cussa nota ti repìtidi.

Est in donu chi fetas su distratu: cando s'orija tua ti faèddada e ti faghet reviver cudd'iscena,

sempre ses in martiriu e in pena ca s'orija a repicu ti martèddada e sempre s'umbra malal jughes fatu.

Su deghe 'e Abrile 1971