Remumdu Piras >> Home
S'Umbra
No apo 'e mama una fotografia mancari chi su late nd'apa sutu, ma la ido cun s'oju meu asciutu simile e tale che cando fut bia.
E-i s'immagine in sa fantasia cantos ammentos caros m'at allutu! Si sa morte su corpus si ch'at giutu,
nessi s'umbra est restada in mente mia.
Paret chi l'ida cun su metro e tela, rea in sa banca sestende e medinde o sétzida in sa machina tessinde
galana e colorida che una mela, o cando m'atopait a carrela
po m'abbratzare, dae missa eninde.