Custu situ in beridade no est dedicadu a Samugheo ma a sa memoria istorica chi non con connoschet nè lògos e nè tèmpus. Però est beru ca Samugheo essendo su logu einue seo nàschidu rappresentat in calecunu modu "s'arreighina" de custa memoria. Un'arreighina prima de totu imprentada in sa limba, sa prima chi apo connottu, e apustis in s'istessa collocatzione geografica chi tenet sa biddha: Mandrolisai, cunfine tra Campidanu e Barbagia, ammesturu de limbas e usantzias.
Sa prima cosa chi apo fattu deghe annos faet cando apo realizzadu sa primu pagina internet est istadu de dha iscriere in Sadru, 'nde bessia una cosa dedicada a Samugheo ma in realtade est istadu un'attu de amore po sa terra, po cussu arrastu de isula collocada propriu in mesu a su Mediterraneu chi ancora oe, chi seo foras de Sardigna de medas annos, mi màrcat coro e anima.
>> Artigianau