Su costume de Samugheo est unu de is prus bellos de sa Sardigna. A prusparis su de sa femina este arrecconnottu tra is mengiuus de tottu s'isola.
Su costume de sa femina est cumpostu dea sa chinta, chi este una gunneddha de obrache, bene frorida in seda; agoa ddhu este su cropittu cun batero muncadores : su muncadore de ligare, su muncadore de sa moda, su muncadore de orrosas e su mantigheddu chi frorinti tottu sa conca.
Istudios de pagu tempus anta dimostradu ca in su costume de sa festa due fudi fìntzes unu ispecie de giubbinu, chi ddhi naianta "cìppone de iscrallatu" o "cìppone de broccau", e srebiada po cumpletare su costume.
ARREGODOS
Unu tempus in sa iddha nosta si estianta in manera meda drivessa de is modas de oe. Is mìggias furinti fattas a busa, de filu po s'istade, de lana po s'ierru. Si cartzanta cun bottinos serraos, agoa furinti essias is mìggias e is catzolas apertas.
Is omines giughianta mudandas de linu, camisa arrecramada po is festas, lisa po d'onnia ie. Po is dies nodias si ponianta su giunchillu, chi fudi un'ispecie de collana. Sa gunneddha de is feminas fu carrigada e ainnanti giughiat sa porteddha, poi jughiant sa chinta de ananti cun is fittas e su deventale froridu, sa chinta bianca ddha ponianta po andare a ballare. Su cropittu fudi de donnia die o de broccau, in pitzu giughianta su cìppone.
Due fudi su velu po isposare, e su cippone nieddhu po su dolu. Is orechinos furinti semper usaos, s'isciallu fudi po s'ierru, is fiudas du giughiant sempere. Is omines furinti a catzolas serradas cun cios fattos dea su ferreri, poi portanta su cosso, su capotto, su capottinu, su cropittu e sa berritta.
Artigianau << >> Festas